Program

Ֆիլմի Ցուցադրութենէ Առաջ - հանդիսավարը կը կարդայ հետեւեալը

Փոլ Գալինեան ծնած է Պէյրութ-Լիբանան 14 Փետրուար 1932-ին, Խարբերդցի հօրմէ Մարաշցի մօրմէ: Գալինեանները կը տեղափոխուին Դամասկոս-Սուրիա, ուր ան կը ստանայ իր կրթութիւնը, կ՛անցնէ իր պատանեկանութեան տարիները եւ կը սորվի լուսանկարչութիւնը:

1961-ին, Գալինեան կը բանայ իր առաջին լուսանկարչատունը «Ֆօթօ Փոլ» Պէյրութի մէջ: Մի քանի տարիներ ետք 1964-ին, կը տեղափոխուի Մոնդրէալ Գանատա եւ ապա Միացեալ Նահանգներ:

1967-ին, Գալինեան կը շարունակէ իր ուսոմը կը ստանայ լուսանկարիչի եւ շարժանկարի արտադրութեան արուեստագէտի աստիճանը «Նիւ-Եօրք Ինսթիթիւթ ավ Ֆըթակրըֆի» էն: Նոյն տարին, Գալինեան կը վերադառնայ Պէյրութ ամուսնանալու համար երկար տարիներու իր սիրելի Արաքսիին հետ որ եղած է ֆիլմին օգնականը: Անոնք կը հաստատուին Ֆրէզնօ-Գալիֆորնիա կը բաղտաւորուին երկորեակ զաւակներով, մանջը` Հրանդ, որ այս ֆիլմին թէքնիք ճարտարագէտն է, իսկ դուստրը` Սիւզին, ֆիլմին արտադրիչը:

1973-ին, Գալինեան կը բանայ իր երկրորդ աշխատանոցը «Փոլ՛զ Ֆըթակրըֆի Սթիւտիօ» Ֆրէզնոյի մէջ: Ան նկարած է ամէն դասակարգի անձեր: Իր գործերը հրատարակուած են տասնեակ գիրքերու, միջազգային լրագրերու, պարբերաթերթերու, մրցանակակիր տարեգիրքերու, «Միացեալ Նահանգներու 1991-ի Դրոշմաթուղթերու Գրքին» մէջ, որմազդներու, գրքոյկներու, օրացոյցներու, հեռաձայնի գրքի կողքին, բառարաններու, եւ «Հայկական Տարազներ Դարերու Ընթացքին», գրքին մէջ: Իր գործերը ցուցադրուած են կառավարական շէնքերու, թանգարաններու, տաճարներու, դպրոցներու, եկեղեցիներու, գրադարաններու եւ Ֆրէզնոյի Ուիլիըմ Սարոյեան թատրոնին մէջ:

1976-ին, Գալինեան կը լուսանկարէ Ուիլիըմ Սարոյեանը 12 տարի հետապնդել է ետք: Այս յատկանշական նկարներէն մին ընտրուեցաւ` Միացեալ Նահանգներու եւ Սովետական միութեան դրոշմաթուղթերու կողմէ: Պատմութեան մէջ առաջին անգամ ըլլալով, հայազգի գրագէտ Ուիլիըմ Սարոյեանի դիմանկարը լոյս տեսաւ Ամերիկեան եւ Ռուսական դրոշմաթուղթերու վրայ որպէս մարդասիրական յիշատակութեան խորհրդանշան երկու մեծ պետութիւններու միջեւ ստեղծուած բարեկամութեանը առթիւ: Դրոշմաթուղթերու հրատարակման հանդիսութիւնները տեղի ունեցան նոյն օրը` 22 Մայիս 1991-ին, Ֆրէզնոյի եւ Երեւանի մէջ:

Սարոյեանի մահէն ետք` Գալինեան գրեց, բեմադրեց եւ իր դուստրը` Տօքթ. Սիւզի Գալինիանի հետ, արտադրեց` «Ուիլիըմ Սարոյեան, Մարդը Գրողը», վերնագրով վաւերագրական ֆիլմը որ պիտի դիտենք շուտով:

Այս ֆիլմը շահած է վեց մրցանակներ Միջազգային Ֆիլմերու Փառատօներու մրցումներուն. հինգը` ֆիլմը արտադրողներուն` եւ մէկը` երաժշտութիւնը գրողին համար, ինչպէս նաեւ «Ոսկեայ Մրցանակը» որպէս «Լաւագոյն Վաւերագրական Ֆիլմը», Ֆիլատէլֆիոյ Միջազգային Ֆիլմերու Փառատօնին:

Յարգելի հանդիսականներ, ուշադիր դիտենք այս բացառիկ ֆիլմը որ մեզի մօտէն կը ծանօթացնէ համաշխարհային համբաւի տիրացած «Փիւլիցըր Մրցանակ»-ի եւ «Օսքար»-ի արժանացած, ամերիկահայ գրող, թատերագիր, եւ ազգասէր` Ուիլիըմ Սարոյեանի կեանքն ու գործը:

Կ՛ուզեմ ձեր ուշադրութեանը յանձնել, թէ ֆիլմի ցուցադրութեանը ընթացքին, երիզի վրայ արձանագրելը արգիլուած է: Շնորհակալութիւն ձեր հասկացողութեանը համար:

Կը սկսինք ֆիլմը:

Ֆիլմի Ցուցադրութենէ Ետք - հանդիսավարը կը կարդայ հետեւեալը

«Ուիլիըմ Սարոյեան, Մարդը Գրողը» ֆիլմը որ ականատես եղաք, իր ցուցադրոթեան շրջապտոյտները սկսած է Միացեալ Նահանգներ, Գանատա, Անգլիա, Աւստրալիա, Եւրոպա, Թուրքիա, Հրէաստան, Միջին Արեւելք եւ Հայաստան, հովանաւորութեամբ զանազան կազմակերպութիւններու, մօտէն ծանօթացնելու համար Ուիլիըմ Սարոյեանի կեանքն ու գործը եւ ներկայացնել հայկական մաշակոյթը ընդհանուր աշխարհին:

Տէր եւ Տիկ. Գալինեաններու եւ իրենց դուստրը, ֆիլմի արտադրիչ` Տօքթ. Սիւզի Գալինեանի ներկայութեամբ, աշխարհի շրջապտոյտը սկսած է 1991-ին: Ֆիլմը ցուցադրուած է 19 երկիրներ 60 քաղաքներու մէջ եւ կը շարունակուի: Աւելի քան մէկ միլիոն անձեր տեսած են այս ֆիլմը աշխարհի տարածքին: Ֆիլմը ցուցադրուած է անշահախնդիր, եւ հասոյթը նուիրուած է բարեխնամ կազմակերպութիւններու:

Սարոյեանի մահէն ետք 1981-ին` նախ քան ֆիլմի ծրագիրը, Փոլ Գալինեան ներկայացուցած է 22 վայրկեաննոց սահիկներու ցուցադրութիւն մը Ուիլիըմ Սարոյեանի մասին` «Ֆրէզնոյի մէջ Մեծնալը», եւ «Ինչպէս Նկարեցի Սարոյեանը», խորագրով: Այս ցուցադրութիւնը ներկայացուած է 9 տարի, աւելի քան 100 անգամ, Ամերիկայի զանազան քաղաքներու մէջ եւ հաղորդուած է հեռուստացոյցի միջոցով:

Ուիլիըմ Սարոյեանի համբաւն ու ոգին տակաւին կ՛ապրի աշխարհի տարածքին: Գալինեաններու յաջորդ շրջապտոյտներու ցանկին վրայ են, Հարաւային Ամերիկա, Ափրիկէ եւ Ճաբոն:

Յարգելի հանդիսականներ, այժմ ձեզի կը ներկայացնեմ այս ֆիլմին գրողը եւ բեմադրողը Պրն. Փոլ Գալինեան, եւ արտադրողը` Տօքթ. Սիւզի Գալինեան:

Հանդիսավարը Բեմ Կը Հրաւիրէ Գալինեանները

Հանդիսավարը Կը Փակէ Հանդէսը