Synopsis
William Saroyan: The Man The Writer

Թողարկութեան Թուական: Ապրիլ 1991
Տեւողութեան Ժամանակ: 1:06
Ֆիլմի Չափ: 16mm Film 1:1.33 
Optical Sound
Գոյնը: Սրճագոյն
Սեւ Ճերմակ
Գունաւոր
Լեզու: Անգլիերէն
Ենթախորագրուած Հայերենով
Ցուցադրութեան Չափ: DVD NTSC կամ PAL

 

Վաւերագրական ֆիլմ մը միջազգային համբաւի տիրացած ամէրիկահայ գրող, թատերագիր, եւ մարդասէր, Ուիլիըմ Սարոյեանի կեանքին ու գործերու մասին: Գրուած եւ բեմադրուած Փոլ Գալինեանի` եւ իր դուստրը ֆիլմի արտադրիչ` Տօքթ. Սիւզի Գալինեանի կողմէ:

Ֆիլմը կը պատկերացնէ Սարոյեանի կեանքը, գործերը, էութիւնը, նկարագիրը, փիլիսոփայութիւնը եւ իր պատգամը համայն մարդկութեան: Սարոյեան կ՛արտացոլէ իր սէրը, իր ծննդավայրին հանդէպ, իբր Ամերիկացի` եւ իր նախնիքներու երկրին` իբր Հայ: Սարոյեան կը յիշէ իր մշակութային ժառանգութիւնը եւ անոր ազդեցութիւնը իր գրող դառնալու կապակցութեամբ: Ան կը մերժէ դրամը, համբաւն ու փառքը: Ի վերջոյ, կը վերադառնայ իր արմատներուն, ուր կը գտնէ վերջնական հանգիստը:

Պատմութիւնը կը սկսի 1900-ական թուականներուն Ֆրէզնօ, Գալիֆորնիա եւ կ՛ընդգրկէ 80 տարի մինչեւ գրողին մահը` 1981: Ֆիլմին սկիզբը, Սարոյեան կը խօսի իր անցեալի մասին. ապա` հայազգի դերասան Մայք Քանըրզ, կը պատմէ Սարոյեանի 60-տարուայ գրական վաստակի մասին հիմք ունենալով` ձայնագրութիւններ, կենսագրութիւններ, լրագիրներ, հարցազրոյցներ, գրողին գործերը եւ Գալինեանի հետ ունեցած փորձառութիւնը:

Ֆիլմը կը պարունակէ, Ֆրէզնօ քաղաքը` իր անցեալով ու ներկայով, Սարոյեանի խօսքերէն առնուած հատուածներ, լուսանկարներ, ընտանեկան եւ ընկերային շարժանկարներ, յուշագրութիւններ, անձնական իրեր, Սարոյեանի հրատարակած 60 գիրքերը, վերջին տարիներու այցելութիւնները իր նախնիքներու երկրին` Հայաստան, վերաբեմադրուած տեսարաններ, Սարգիս Մուրատեանի գծանկարչութիւնները, եւ Փօլ Նազլիկեանի յօրինած երաժշտութիւնը:

Ֆիլմին մէջ, Սարոյեանի ձայնը եւ հարցազրոյցները առնուած են տարբեր ժամանակներէ իր կեանքի տեւողութեան ընթացքին: Հատուածները խմբագրուած եւ լայնատարած հարմարցուած են ֆիլմի պատմութեան մէջ: Ֆիլմի վերջաւորութեան, Սարոյեան կը խօսի հայերէն, անգլերենով ենթախորագրուած:

Առաջին ցուցադրութիւնը ներկայացուեցաւ Ապրիլ 13, 1991-ին, Ուիլիըմ Սարոյեան Թատրոնին մէջ, Ֆրէզնօ, Գալիֆորնիա:

Ֆիլմը արժանացած է 6 մրցանակներու Միջազգային Ֆիլմերու Փառատօնին, որոնցմէ մին Ոսկի Մրցանակը, Վաւերագրական Լաւագոյն Ֆիլմի կոչումով:

1991-էն մինջեւ 2003 թուականը, ֆիլմը ցուցադրուած է 19 երկիրներ 60 քաղաքներու մէջ եւ կը շարունակուի: Աւելի քան մէկ միլիոն անձեր ներկայ եղած են ֆիլմի ցուցադրութեան:

 

synopsis1arm
Գծանկարիչ
Սարգիս Մուրատեան
Գեղարուեստի Խորհրդատու
Ճօըլ Ֆաուլըր
Ֆիլմի Խմբագիր
Լուիս Մաթիշըր
Երաժշտութիւն
Փօլ Նազլիկեան
Երաժշտութիւնը Դասաւորող
Մայք Տէյնը
Պատմող
Մայք Քաննըրզ
Արտադրող
Տօքթ. Սիւզի Գալինեան
 
     
Գրող եւ Բեմադրող
Փոլ Գալինեան